10/1/2018

Fjórðungur banaslysa á mótorhjólum í Svíþjóð við vegrið

Höfundur:
Njáll Gunnlaugsson
Forvarnir

Banaslys við vegrið

Fjöldi bifhjólamanna sem látast í umferðarslysum við vegrið fer nú ört vaxandi í Svíþjóð með fjölgun vegriða þar í landi. Í Svíþjóð hafa vegamálayfirvöld gengið svo langt að setja vegrið þar sem hámarkshraði er yfir 80 km á klst. “Leyft er að hafa vegriðið 35 sentimetra frá brún vegarins þrátt fyrir að allar rannsóknir bendi í þá átt að betra sé að hafa öryggissvæði uppá að minnsta kosti tvo metra” segir Maria Nordqvist talsmaður SMC mótorhjólasamtakanna í Svíþjóð. “Því miður hafa vegamálayfirvöld sett vegrið við vegi þar sem þeirra er ekki þörf og hefur það leitt til mun alvarlegri slysa, sum á útlendingum á mótorhjólaferðalagi” sagði Maria ennfremur. Í Svíþjóð eru 4000 km af miðjuvegriðum við þjóðvegi og eru 75% þeirra víravegrið. Árið 2017 fórust 36 á bifhjólum í Svíþjóð, átta þeirra við vegrið, en það eru 22,2%. Árið 2016 var svipað, þá létust 37 á bifhjólum, þar af níu við vegrið eða 24,3%. Að sögn Maríu er þetta hæstu tölur í Evrópu, ef ekki í heiminum. “Að vísu hafa vegamálayfirvöld hægt á uppsetningu víravegriða í Svíþjóð, en er það aðallega vegna mikils kostnaðar við að viðhalda vírnum, auk umferðartafa sem að viðhald þeirra hefur í för með sér. Loks fórst starfsmaður vegagerðarinnar í fyrra þegar vír slitnaði þar sem hann var að tryggja slysavettvang.”

‍Vettvangur banaslyss á bifhjóli við víravegrið hreinsaður. Bensín á götunni var ekki ástæðan fyrir komu hreinsunardeildarinnar.

...

Stikkorð:
Nýlegar fréttir
Höfundur: 
Ingvar Ingvarsson
Birt þann:
7/8/2019

Sniglar, bifhjólasamtök lýðveldisins, og Orka náttúrunnar (ON) munu í tilefni 35 ára afmælis Snigla efna til hringferðar um Ísland á rafmagnsbifhjólum. Ferðin verður farin dagana 8.-15. ágúst á rafmagnsbifhjólum frá Electric Motorcycles og Energica. ON styður veglega við verkefnið í þeim tilgangi að stuðla að orkuskiptum í samgöngum en rafmagnsbifhjól henta vel þeim markmiðum. Mánudaginn 12. ágúst kl. 17:00-18:30, verður efnt til málþings í höfuðstöðvum ON við Bæjarháls um orkuskiptin sem hluta af samgöngumáta framtíðarinnar. Þar verða rafmagnsbifhjólin sem fara hringferðina til sýnis.

lesa meira
Höfundur: 
Ingvar Ingvarsson
Birt þann:
15/4/2019

Aðalfundur Bifhjólasamtaka Lýðveldisins,Snigla

lesa meira