3/3/2019

Ný stjórn Snigla tekur við störfum

Höfundur:
Ingvar Ingvarsson
Fundir

Laugardaginn 2. mars var aðalfundur Snigla haldin í félagsheimili samtakanna. Ágæt mæting var og var ánægjulegt að fá framboð til stjórnar. Það fékkst ferskt blóð í stjórnina og urðu því á henni nokkrar breytingar.

Í aðalstjórn voru kjörin. Vilberg Kjartansson, Þorgerður Guðmundsdóttir, Steinmar Gunnarsson, Egill Matthíasson og Ingvar Örn Ingvarsson. Ingvar og Steinmar voru þar fyrir á fleti. Þá var Ari Karlsson kosinn í varastjórn en þar voru fyrir Gísli Jensson og Oddur Bjarnason.

Sértstök kosning er til formanns og var Steinmar Gunnarsson kosinn formaður en Njáll Gunnlaugsson hafði lýst yfir vilja til þess að rétta kyndilinn áfram.

Stjórn þakkar Njáli Gunnlaugssyni, Elíasi Fells og Kristjáni Ágústssyni fyrir framlagið til félagsstarfsins á árinu og góðrar samvinnu.

Sniglar hefja nú enn eitt árið með félagsmönnum og er stefnt á nokkrar nýjungar á árinu. Við auglýsum jafnframt eftir Sniglum sem vilja ljá starfseminni krafta sína eða sinna málefnastarfi. Samvinna gefur slagkraft!


...

Stikkorð:
Nýlegar fréttir
Höfundur: 
Ingvar Ingvarsson
Birt þann:
7/8/2019

Sniglar, bifhjólasamtök lýðveldisins, og Orka náttúrunnar (ON) munu í tilefni 35 ára afmælis Snigla efna til hringferðar um Ísland á rafmagnsbifhjólum. Ferðin verður farin dagana 8.-15. ágúst á rafmagnsbifhjólum frá Electric Motorcycles og Energica. ON styður veglega við verkefnið í þeim tilgangi að stuðla að orkuskiptum í samgöngum en rafmagnsbifhjól henta vel þeim markmiðum. Mánudaginn 12. ágúst kl. 17:00-18:30, verður efnt til málþings í höfuðstöðvum ON við Bæjarháls um orkuskiptin sem hluta af samgöngumáta framtíðarinnar. Þar verða rafmagnsbifhjólin sem fara hringferðina til sýnis.

lesa meira
Höfundur: 
Ingvar Ingvarsson
Birt þann:
15/4/2019

Aðalfundur Bifhjólasamtaka Lýðveldisins,Snigla

lesa meira