Venju samkvæmt verður boðað til aðalfundar Bifhjólasamtaka Lýðveldisins, Snigla, laugardaginn 7. mars kl 13:00 í félagsheimili samtakanna að Skeljanesi í Skerjafirði. Fundarefni eru hefðbundin aðalfundarstörf auk kosningar í stjórn og varastjórn. Reiknað er með að fundi verði lokið um 15:00. Allir sem greitt hafa félagsgjöld geta mætt á fundinn og látið til sín taka.
Undanfarin tvö ár hefur verið mikil gróska í starfi Snigla. Við siglum nú inn í þriðja ár sterks og öflugs félagatals í kjölfar viðburðaríks afmælisárs 2019. Steinmar formaður mun fjalla nánar um hvað samtökin hafa aðhafst síðustu misseri en jafnframt horfum við björtum augum fram á veginn þar sem ýmislegt forvitnilegt er í bígerð 2020.
Samtakamáttur mótorhjólafólks á Íslandi fer núna vaxandi og við þökkum stuðninginn við starfið á liðnu ári. Það er með greiðandi félögum okkar sem hægt er að halda úti öflugri starfssemi og hagsmunagæslu.
Við viljum því nota tækifærið og minna alla á að greiða greiðsluseðlana í heimabankanum, fyrir aðalfundinn, og þökkum fyrir stuðninginn um leið og við bíðum full eftirvæntingar eftir hjólasumrinu 2020 og nýjum ævintýrum.
...
Samtök áhugamanna um öruggan akstur bifjhóla og stuðla að bættri umferðarmenningu og fræðslu.
Opið hús á miðvikudögum í sumar í höfuðstöðvum félagsins að Skeljanesi, 101 Reykjavík.
Skeljanes, 101 Reykjavík
Pósthólf: 8922, 128 Reykjavík
BIfhjólasamtök lýðveldisins allur réttur áskilinn Vefhönnun:proa
.png){kind=small}
.png){kind=small}
