Bifhjólasamtök lýðveldisinns Sniglar

Fyrr á árinu barst stjórn Snigla beiðni um samstarf frá Mótorhjólasamtökum Tékklands, MACR. Um er að ræða verkefni með heitinu Exchange of experience in road safety in motorcycle area og gengur verkefnið út á það að hópur frá Tékklandi kemur hingað til lands í ágúst til að kynna sér vegakerfið með sérstöku tilliti til öryggis mótorhjóla. Þeir munu síðan halda alþjóðlega ráðstefnu í Prag í október, þar sem fjallað verður um öryggi bifhjólamanna frá ýmsum hliðum, og verður tveimur fulltrúum Snigla boðið á þá ráðstefnu. Verkefnið er alfarið fjármagnað með styrkjum frá Noregi og Evrópusambandinu.

Skeljungur hefur opna glæsilegan sölulager í Örfirisey þar sem á boðstólnum verða olíuvörur, hreinsiefni og aðrar bíla og mótorhjólavörur.  Breið lína af vönduðum sérvörum fyrir mótorhjól verður á boðstólnum á góðu verði fyrir Snigla sem og sértilboð á ýmsum vörum. Fimmtudaginn 20 maí á milli kl 17:00 og 19:00 í Örfirisey ætlar skeljungur að kynna fyrir okkur starfsemina og vöruúrvalið, grilla hamboragara og hafa gaman að. Við hvetjum alla til að líta við og skoða úrvaðlið og gæða sér á góðum borgara.