Óskabörnin sáu um flutninginn á öllu dótinu á mótstað. Gott að fá þá í samvinnu og ég vona svo sannarlega að þeir verði með í framtíðinni.
Allir þeir einstaklingar sem lögðu hönd á plóg eiga miklar þakkir skyldar, þetta væri ekki hægt án þeirra. Jói Rækja, Egill Birkir, Steinþór plakatmeistari, Frikki gamli, Stebba, Stjórn Snigla og síðast en ekki síst aðstoðarkonur mínar Sylvía og Anna Birna.
Hljómsveitirnar voru frábærar hver á sinn hátt. Það er alltaf æðislegt að fá Sniglabandið, undir tónum þeirra fara hörðustu naglar að tjútta. Dimma rokkaði næstum þakið af Húnaveri. Stormur í aðsigi stóðu sig með stakri prýði og fyrir mína parta búin að stimpla sig inn sem ein af landsmótshljómsveitunum. Chernobyl eru að stíga sín fyrstu spor á sviði í þeirri mynd sem þeir eru núna og komu sterkir inn. Það verður gaman að fylgjast með þeim í framtíðinni. Eyþór stendur alltaf fyrir sínu, með fjölbreytt og skemmtilegt lagaval, og sjóaður í að skemmta lýðnum og spila með næstum hverjum sem er. Margir reyndu fyrir sér með söng og spilerýi í ÓÓ tjaldinu við misjafnar undirtektir enn það er einmitt það sem skreytir mótið og gerir það skemmtilegt og ekki má gleyma Arnari bluesmann sem kom, sá og sigraði með munnhörpuspili sínu.
Mér hafa borist örfár kvartanir yfir því að fólk hafi ekki fengið mat og eða súpu. Þykir mér það mjög leitt enn það fylgir alltaf sögunni í þessum tilfellum að fólkið kom alltof seint í matinn, við því get ég ekkert gert annað enn að ítreka það enn einu sinni, verið á staðnum á meðan á landsmóti stendur annars missið þið af einhverju. Bæði maturinn og súpan voru seinna í dagskránni en til var ætlast svo að þið hefðuð ekki átt að missa af þessu ef þið hefðuð verið á staðnum. Það var nægur matur því að í restina fékk fólk ábót og margir komu 3 í súpuna.
Ég hef séð um landsmót nokkrum sinnum og eitt af því erfiðasta er að áætla hvað margir munu koma, þess vegna pantaði ég merki mótsins í samræmi við fjölda gesta síðustu ára. Svo skemmtilega vildi til núna að þau voru of fá. Ég hef þegar pantað fleiri merki og verða þau send til þeirra sem ekki fengu um leið og þau verða tilbúin(eftir c.a. 2 mánuði frá mótslokum). Ég biðst velvirðingar á þessu en þetta var þó skemmtileg tilbreytni.
Á Landsmót 2009 komu 301 gestur á helgarpassa, 67 gestir á laugardagspassa og 61 gestur voru í vinnu að einhverju tagi. Samtals gera þetta 429 manns og er það fleiri en hafa komið á mót í mörg ár. Til hamingju með þetta, kæru gestir.
Mótið kom því út í um 450.000 kr + í ár.
Helstu úrslit leikja voru;
Skíðaganga; Hreiðar, Kobbi og Stefán,
Þrífótur; Bjánar,
Blindakstur á hjólbörum; Ölkærir
Teygjuganga; Addi,
Drullusokkur; Ásta og co,
Þríþraut; Addi,
Haus á staur; Maggi og Stefán
Kokgleypa; Aggi og Andrea,
Snigl; Einar hestur (59.59sek),
Reyptog; Suzuki,
Burnout; Stebbi Steingríms
Búningaorðan; Stebbi Steingríms,
Dauðaorðan; Magga bögg,
Krassorðan; Dagrún
Lengst að komna; Unnur frá Fáskrúðsfirði,
Lengst aðkomni; Siggi Bang
Hjól mótsins; H-D, Spessa
Að lokum vil ég þakka kærlega fyrir að hafa verið treyst fyrir því að halda Landsmót ein eða með öðrum síðustu ár. Nú ætla ég að leyfa öðrum að komast að og spreyta sig en mun að sjálfsögðu koma reynslu minni áleiðis til þeirra sem taka við. Eitt af því sem landsmótsnefnd 2009 þarf að sjá um er að finna lm stað fyrir 2010. Við erum þegar byrjaðar í samningaviðræðum við Húnaver.
Kærar þakkir fyrir mig,
Dagrún #landsmótssnigill 470
