Forvarnir

Sönnun þess að undirakstursvörn virkar
Eins og sjá má á þessu Youtube myndbandi frá Þýskalandi er hér áþreifanleg sönnun fyrir hversu vel undirakstursvarnir á vegrið virka þegar óhapp verður á mótorhjóli. Eins og mótorhjólafólk á Íslandi kannast við er meðal annars verið að prófa undirakstursvörn eins og þessa á vegriðinu…
Kostir og gallar ABS sem verður senn skylda
Að bremsa mótorhjóli er langt frá því eins einfalt og að bremsa bíl. Rekja má mörg slys til vitlausra viðbragða ökumanna bifhjóla. Flest hjól hafa tvískipt hemlakerfi fyrir fram- og afturhjól sem geta bæði eða sitt í hvoru lagi læst sér við mikla hemlun. Á…
Þingvallavegur!
Vegna klæðingarvinnu á Þingvallavegi við Kjósaskarðsvegamót er enn töluvert steinkast á kaflanum. Þar sem þetta er vinsæl mótorhjólaleið viljum við benda hjólafólki á að fara sérstaklega varlega þarna. Þá er nýbúið að klæða kafla á Suðurlandi og Snæfellsnesi og er rétt að sýna sérstaka…
Þingvallavegur !!
Verið er að klæða Þingvallaveg við Kjósaskarðsvegamót. Reikna má með töluverðri lausamöl og steinkasti á þessum vegkafla yfir helgina. Einnig er verið að setja upp vegrið á Þingvallavegi, á kafla meðfram Úlfljótsvatni. Þar sem þetta er vinsæl mótorhjólaleið er viljum við benda hjólafólki á að…
Vegaframkvæmdir Norðurárdal
Framkvæmdir eru í Norðurárdal, á um kílómeters kafla á þjóðvegi eitt í námunda við Bröttubrekku afleggjaran. Unnið er að lagningu klæðningar. Förum varlega og endum rúntinn heima.

Subscribe to this RSS feed

Allar fréttir

Forvarnir

Viðhorfskönnun 2012

Bifhjólasamtök lýðveldisins hafa ávallt sett forvarnarmál á oddinn í sínu starfi, hvort sem er með jafningjafræðslu hjá skellinöðrukrökkum í grunnskólum eða með gerð metnaðarfullra umferðarátaka. Fyrsta stóra umferðarátak Snigla var unnið árið 1992 í framhaldi af slysabylgju áranna á undan. Með styrk frá tryggingarfélögunum og Umferðarráði voru gerð fimm sjónvarpsinnskot sem fjölluðu um áfengi, hlífðarfatnað, hraðakstur og hættur í umferðinni. Átakið kristallaðist í boðskap til bílstjóra “sérðu mótorhjól? Líttu aftur.” Strax varð merkjanleg fækkun slysa enda átakið vel kynnt og mikið spilað í fjölmiðlum og kvikmyndahúsum. Fyrsta árið náðist 15% fækkun slysa þrátt fyrir fjölgun hjóla í umferð. Átakið þótti það vel heppnað að sænsku mótorhjólasamtökin SMC keyptu sýningarrétt af því eftir að hafa séð það á fyrsta EMA (European Motorcycle Association) fundi Snigla árið 1995. Samtök þessi sem seinna runnu saman við FEM og urðu að FEMA, eru hagsmunasamtök alls mótorhjólafólks í Evrópu með starfstöð í Brussel, höfuðstöðvum Evrópusambandsins. Næsta stóra umferðarátak Snigla var gert árið 1997 en þá voru gerð tvö sjónvarpsinnskot til viðbótar. Voru bæði nýju innskotin byggð á sláandi tölum sem birst höfðu í slysarannsókn á mótorhjólaslysum fyrir árið 1995, en þar kom fram að allt að helmingur slysa varð á lánshjólum. Með það í huga réðust samtökin í samstarfi við Rannsóknarnefnd umferðarslysa í eina metnaðarfyllstu slysarannsókn sem fram hefur farið hér á landi. Skoðuð voru öll mótorhjólaslys á tímabilinu 1991-2000 eða í 10 ár samfleytt. Þau umferðarátök sem gerð hafa verið á undanförnum árum byggja að mestu leyti á þessari rannsókn, nú síðast þrjú myndbönd um mótorhjólaslys sem gerð voru fyrir tilstilli Umferðarstofu. Ekki má heldur gleyma auglýsingum sem birst hafa á strætisvögnum sem minna á að við, líkt og blessaðar beljurnar, komum líka út á vorin. Umferðarátakið í fyrra fólst loks í því að Sniglar klæddust vestum í björtum lit með boðskap til bílstjóra, “Sérðu mig núna?” Þó öll þessi vinna Snigla sé góð og blessuð má heldur ekki gleyma því að mikilvægustu forvarnirnar eru oft meðal félaganna sjálfra, enda dettur frekar fáum í hug að mæta á hjólinu niður í bæ í gallabuxum og strigaskóm. Mótorhjólafólk er líklega sá umferðarhópur sem duglegastur er í forvarnarstarfi. Það veit líka enginn betur en hjólafólkið sjálft hversu berskjölduð við erum í umferðinni.

BÍLSTJÓRI, LÍTTU TVISVAR !