
Fyrir tilstilli FEMA og fjögurra Evrópuþingmanna sem aka sjálfir mótorhjólum hefur ESB nú gefið út viðbót við umferðaröryggisáætlun sína um hættur sem venjuleg vegrið skapa mótorhjólafólki. "Evrópuþingið hvetur lönd ESB til að biðja umferðaryfirvöld í sínu landi að hanna vegumhverfi þannig að það skapi ekki…
Stefnubreyting hefur orðið í Bretlandi gagnvart frumvarpi ESB sem bannar breytingar eigenda á mótorhjólum sínum og gerir einnig ABS að staðalbúnaði í öllum mótorhjólum. Varamaður samgönguráðherra þar í landi, Mike Penning þingmaður, hefur orðið sér út um stuðning samgönguráðuneytisins til að berjast gegn frumvarpinu. Í…
Umferðaryfirvöld í London tilkynntu í gær að mótorhjólum væri nú óhætt að nota allar strætóreinar í borginni án takmarkanna. Þetta er ákveðið eftir þriggja ára reynslutíma á ákveðnum strætóreinum sem leiddi til aukins umferðarflæðis, minni mengunar og minni ferðatíma þeirra hjóla sem mæld voru. Eini…
Hagsmunir hjólafólks eru margir og mismunandi og fer í mörgu eftir því hvaða anga sportsins hver og einn er að stunda. Sem stór þrýstihópur hafa Sniglar látið til sín taka í hagsmunabaráttu bifhjólafólks í gegnum árin og unnið á því sviði mörg verkefni. En betur má ef duga skal því verkefnin eru mörg og brýn. Sniglar hafa lengi haft á því áhuga að sameinað afl hjólafólks, klúbba og samtaka úr öllum þáttum sportsins samræmi aðgerðir og beiti sér sem eitt afl í baráttunni fyrir hagsmunum okkar. Öruggari umferðarmannvirki, sanngjörn og raunhæf beiting skatta, tolla og gjalda, svo sem trygginga og annara kostnaðarliða eru ofarlega á blaði. Almenn aðstaða til iðkunar akstursíþrótta á lokuðu þar til gerðu svæði sem uppfyllir allar eðlilegar öryggiskröfur er líka ofarlega á blaði og má í raun segja að staða slíkra mála á Íslandi sé þjóðinni til skammar í samanburði við nágrannalönd okkar.
Sniglar munu leggja á það aukna áherslu að safna tölfræði og upplýsingum meðal félagsmanna sem og annara áhugasamra hjólamanna í formi kannana til úrvinnslu og notkunar í hagsmunabarátunni. Þessi gögn munu verða öllu þeim aðilum sem áhuga hafa á að leggja hagsmunabaráttuni lið aðgengilegar. Vefur snigla er mikið lesinn og sterkur miðill meðal hjólamanna og við kvetjum alla þá sem koma að eða vinna í hagsmunamálum tengdum hjólafólki til að nýta sér þennan miðil.