Efnisflokkatexti (7)
Sniglar hafa sett á laggirnar tryggingavakt. Markmið tryggingavaktar er að vinna að tryggingamálum bifhjólamanna með því að veita tryggingafélögunum aðhald, og ná fram samvinnu, til að stuðla að réttlátum tryggingum mótorhjóla.
- Megin verkefni tryggingavaktar eru:
- Kortlagning tryggingarmála mótorhjólafólks.
- Aðstoða félagsmenn Snigla í einstaka málum er varða tryggingar mótorhjóla.
- Upplýsa félagsmenn Snigla um skilmála tryggingafélaganna og frávik frá þeim.
- Að vera í náinni samvinnu við Tryggingafélög og stjórnsýslu um tryggingar bifhjólafólks.
- Að upplýsa félagsmenn um hvað er að gerast í tryggingamálum.
Netfang tryggingavaktar er Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. og hvetjum við félagsmenn til að senda okkur inn upplýsingar og fyrirspurnir sem varða tryggingar mótorhjóla. Farið verður með allar upplýsingar sem trúnaðarmál.
Í tilefni af 25 ára afmæli samtakanna hefur verið ákveðið að gefa út SÖGU SNIGLA í bókarformi . Hópur góðra félaga annast þessa vinnu og sífellt bætast fleiri í hópinn sem eiga gögn frá fyrri tíð og vilja leggja málinu lið. Þessi bók verður nákvæmlega það sem nafnið segir til um SAGA SNIGLA. Allt verður rakið aðdragandinn að stofnun samtakanna – þróunin – uppbyggingin - . Ennfremur verða erindi frá ýmsum þeim sem hafa sett svip sinn á samtökin – skrautlegir einstaklingar sem ekki fóru alltaf troðnar slóðir. Baráttufólk sem vildi réttindi fyrir hjólafólk – harðsnúnir einstaklingar sem stóðu keikir á hverju sem gekk og hvikuðu hvergi. Þetta er saga fólksins sem „betri borgarar“ í vanþekkingu sinni leit á sem glæpamenn í leðurgöllum – stórhættulega einstaklinga sem áttu sér varla tilverurétt. Baráttan skilaði því að í dag erum við fólk – í augum flestra – það er ekki sjálfgefið í dag að það megi keyra okkur niður. Á þessum árum sem liðin eru frá stofnun Snigla hafa verið stofnaðir margir hjólaklúbbar og eru þeir taldir í tugum. Margir bikerar eru í 2 eða fleiri klúbbum og tngslin því sterkari. Í bókinni sem rekur sögu samtakann verður leitast við að gefa heildstæða mynd af sögunni og munu 2 félagar annast textaskrifin að mestu þannig að heildarmyndin verði sem skýrust. Myndir – frásagnir og viðtöl ásamt aragrúa mynda koma frá mörgum – mjög mörgum.
Einnig ætlum við að setja á laggirnar „Sögusafn Snigla“.
Þar þurfa líka margir að koma að. Beiðnin til þín er einföld – ef þú átt gripi sem tengjast sögu Snigla þætti mér vænt um að fá þá til okkar – hvort sem er til þess að setja á safnið – taka myndir af þeim eða á einn eða annan hátt að koma þeim á framfæri í bókinni eða á safninu. T.d. þá vantar stóra gula beltissylgju. Blátt og svart eru til. Hverskyns orður + verðlaun frá Landsmótum væru vel þegin. Hverskyns bæklingar – aðgöngumiðar og plaggöt verða líka á safninu. Sagan nær til 1.04.09 þannig að við getum öll lagt okkar af mörkum.
Saga Snigla er merkileg saga – hluti af sögu þessarar þjóðar og umferðamenningar hennar – gerum henni því góð skil í bók og safni.
Þeir sem vilja lána eða gefa hluti á safnið geta haft samband við Stebbu, Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. - GSM 865-1448 (eftir kl 18) eða Jómbu, Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
Landsmót hefur verið haldið ár hvert fyrstu helgina í júlí síðan 1987.
Það eru hins vegar ekki margir sem vita það að fyrsta Landsmót Snigla var haldið í Húsafelli dagana 29. - 31 júní árið 1984. Það mættu mjög fáir á þetta fyrsta Landsmót svo fáir að varla var hægt að deila niður verðlaunapeningunum sem áttu að vera í verðlaun fyrir hinar ýmsu keppnisgreinar sem keppa átti í. Tilnefndur var meðal annars mesti mótorhjólatöffarinn og fl. á þessu Landsmóti. Það er samdóma álit þeirra sem þarna voru að veðrið var svo gott að ekki var hægt að gera neitt nema að flatmaga í sólinni í sem allra fæstum fötum.
Í lok júní 1987 var svo haldið Landsmót í Húnaveri og var eingöngu ætlað Sniglum, en ef aðrir slæddust á svæðið varð fullgildur Snigill að bera ábyrgð á viðkomandi. Á þetta Landsmót mættu yfir 120 gestir og þótti fjöldinn gífulegur. Á þessu landsmóti var keppt fyrst í Snigli, en það er að fara braut sem er 16 metra löng og 1 og 1/2 metri á breidd á sem lengstum tíma án þess að stíga niður fæti á meðan brautin var ekin. Þessi keppnisgrein er í raun þjóðaríþrótt Snigla og er til skrá yfir besta tíma í braut sem er 1:07 og er methafinn Einar Hestur sett á Landsmóti í Trékyllisvík 1992 og er meðalhraði sigurvegara því 0,886 km á kl.. Einnig var keppt í íþróttum eins og Zippo-mundun, hreðjaglímu, tegundareiptogi og fl. Verðlaun fyrir sigur í hreðjaglímu hefur verið mjög eftirsóttur gripur er nefnist "Pungbindi lýðveldisins" og er leðurpungbindi með harðri skel fyrir hreðjarnar.
Árið eftir var einnig haldið Landsmót í Húnaveri og var gestafjöldi nú tæplega 200. Á þessu Landsmóti var súpan fræga sem matreidd er á öllum Landsmótum fyrst matreidd af Heiðari 10 stórbryta Snigla. Heiðar sá æ síðan um að elda ofan í Snigla sína lands frægu súpu á föstudagskvöldum þar til hann lést 02.07.06. Það er óhætt að fullyrða að enginn hafi matreitt ofan í jafn marga mótorhjólamenn og hann Heiðar.
Næstu ár var verið í Húnaveri, en 1991 var breytt til og Landsmót var haldið á Skógum undir Eyjafjöllum. Á Landsmótinu að Skógum var í fyrsta sinn fenginn aðkeyptur matur ásamt matargerðarmanni til að sjá um hann, en öll árin áður höfðu Sniglar séð sjálfir um að grilla sjálfir Landsmótssteikina. Það var met aðsókn á þetta Landsmót og komu yfir 300 gestir á það mót. Eftir Landsmótið á Skógum hefur Landsmót flakkað um landið og verið nánast í öllum landshlutum nema á norðausturlandi og ekki nær Reykjavík en 100 km.
Á 10 ára afmælinu var Landsmót haldið í Húnaveri og var það fjölmennasta Landsmót sem haldið hefur verið. Á það Landsmót mættu rétt tæplega 500 gestir. Á síðustu 10 árum hafa gestir á Landsmótum verið á bilinu 200-300 í flestum mótunum á misjöfnum stöðum í mis góðum veðrum.
Hagsmunir hjólafólks eru margir og mismunandi og fer í mörgu eftir því hvaða anga sportsins hver og einn er að stunda. Sem stór þrýstihópur hafa Sniglar látið til sín taka í hagsmunabaráttu bifhjólafólks í gegnum árin og unnið á því sviði mörg verkefni. En betur má ef duga skal því verkefnin eru mörg og brýn. Sniglar hafa lengi haft á því áhuga að sameinað afl hjólafólks, klúbba og samtaka úr öllum þáttum sportsins samræmi aðgerðir og beiti sér sem eitt afl í baráttunni fyrir hagsmunum okkar. Öruggari umferðarmannvirki, sanngjörn og raunhæf beiting skatta, tolla og gjalda, svo sem trygginga og annara kostnaðarliða eru ofarlega á blaði. Almenn aðstaða til iðkunar akstursíþrótta á lokuðu þar til gerðu svæði sem uppfyllir allar eðlilegar öryggiskröfur er líka ofarlega á blaði og má í raun segja að staða slíkra mála á Íslandi sé þjóðinni til skammar í samanburði við nágrannalönd okkar.
Sniglar munu leggja á það aukna áherslu að safna tölfræði og upplýsingum meðal félagsmanna sem og annara áhugasamra hjólamanna í formi kannana til úrvinnslu og notkunar í hagsmunabarátunni. Þessi gögn munu verða öllu þeim aðilum sem áhuga hafa á að leggja hagsmunabaráttuni lið aðgengilegar. Vefur snigla er mikið lesinn og sterkur miðill meðal hjólamanna og við kvetjum alla þá sem koma að eða vinna í hagsmunamálum tengdum hjólafólki til að nýta sér þennan miðil.
Hér er ætlunin að byggja upplýsingatorg fyrir hjólafólk, Það er margt sem þarf að hafa í huga þegar kemur að hjólamennsku hverskonar, hvort heldur er fyrir Þá sem eru að velta fyrir sér hjólasportinu eða þá sem lengra eru komnir.
Þeir aðilar sem hafa áhuga á að fá þjónustu sína skráða hérna geta sent upplýsingar á
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
reglurnar eru einfaldar, Nafn þjónustuaðila, heimilisfang og símanúmer fæst skráð í vikomandi flokk án endurgjalds, en vilji menn fá logo og/eða nánari útlistun á þjónustu eða vöru kostar skráningin 10.000 Kr á ári. Flokkarnir til að byrja með eru:
-
Ökukennarar
-
Hjól og varahlutir
-
Fatnaður og aukahlutir
-
Viðgerðir og þjónusta
-
Önnur þjónusta við hjólafólk
Söluaðilar sem og allir aðrir eiga einnig þess kost að senda inn fréttatilkynningar um nýja vöru og/eða þjónustu sér að kostnaðarlausu á
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
og verður það birt í formi smáfrétta hér á upplýsingatorgi.
Það er von okkar að með tímanum byggist hérna upp hagnýtur grunnur sem nýtist okkur hjólafólki í leit að upplýsingum.
Allar ábendingar sem og efni á upplýsingatorg eru vel þegnar.
Bifhjólasamtök lýðveldisins, Sniglar standa á tímamótum þetta árið, samtökin eru 25 ára og þegar litið er um öxl hefur mikið vatn runnið til sjávar og margt á daga Snigla drifið. Sniglar voru stofnaðir 1. april 1984 sem hjólaklúbbur. Markmiði stofnunarinnar var að sameina hjólafólk og hjóla saman. Fljótlega fóru Sniglar að láta forvarnir og hagsmunamál sig varða enda stækkuðu samtökin hratt og vettvangurinn góður til skoðanaskipta og þrýstings vegna þerra mála er vörðuðu hagsmuni hjólafólks. Fastir liðir í starfsemi Snigla hafa verið og eru tvær stórar hópkeyrslur, önnur á Sumardaginn fyrsta, þar sem hjólafólk fagnar sumri með að hjóla saman, hin þann 1. maí sem gengið hefur undir nafninu forvarnardagurinn og er tilgangurinn að minna ökumenn annara farartækja á að mótorhjólafólk er komið út á vegi landsinns. Til gamans má geta þess að í 1. maí keyrslu Snigla í fyrra er talið að hafi verið allt að 1200 hjól. Sniglar hafa mörg undanfarin ár átt fulltrúa í Umferðarráði og tekið þátt í starfi með rannsóknarnefnd umferðaslysa. Sniglar hafa staðið fyrir umferðar átökum, jafningja fræðslu í grunnskólum sem og annari fræðslu og forvarnarstarfsemi í samvinnu við hina ýmsu aðila sem og starfað með EMA og síðar FEMA. Landsmót Snigla hefur verið fastur liður á dagskrá samtakanna síðan 1987 og er haldið fyrstu vikuna í júlí ár hvert. Síðustu ár hefur hjólaeign íslendinga margfaldast og sportið tekið á sig ýmsar myndir. Margir klúbbar hafa sprottið upp með mismunandi menningu og áherslur. Allt er þetta til að lita skemmtilega hjólamenningu landanns enn frekar og gera hjólasportið skemmtilegra. Skráðir félagar eru í dag rúmlega 2100 talsins og fjölgar ört. Sniglar eru enn sem áður með forvarnir og hagsmunamál hjólafólks sem sín aðal stefnumál og leggja sitt af mörkum í að skapa vandaða hjóla menningu og vinna að öryggi okkar í umferðinni.
Að undanförnu hafa eldri félagar - sem af ýmsum ástæðum hafa ekki tekið þátt í starfinu um tíma – skotið upp kollinum aftur og er það fagnaðarefni. Það sýnir okkur líka að sterkar taugar liggja til samtakanna þótt barneignir og húsnæðiskaup t.d. hafi dregið úr þátttöku um tíma. Þátttaka þeirra mun efla samtökin enn frekar og er afmælisárið kjörið til þess að snúa aftur til starfa.
Við hvetjum hjólafólk til þess að ganga í okkar raðir og taka þátt í skemmtilegu og fjörugu félagsstarfi sem og að taka þátt í forvarnar og hagsmunabaráttunni með okkur.
Félagsfundir Snigla eru öll miðvikudagskvöld í félagsheimilinu okkar að Skerjarnesi.
Bifhjólasamtök lýðveldisins hafa ávallt sett forvarnarmál á oddinn í sínu starfi, hvort sem er með jafningjafræðslu hjá skellinöðrukrökkum í grunnskólum eða með gerð metnaðarfullra umferðarátaka. Fyrsta stóra umferðarátak Snigla var unnið árið 1992 í framhaldi af slysabylgju áranna á undan. Með styrk frá tryggingarfélögunum og Umferðarráði voru gerð fimm sjónvarpsinnskot sem fjölluðu um áfengi, hlífðarfatnað, hraðakstur og hættur í umferðinni. Átakið kristallaðist í boðskap til bílstjóra “sérðu mótorhjól? Líttu aftur.” Strax varð merkjanleg fækkun slysa enda átakið vel kynnt og mikið spilað í fjölmiðlum og kvikmyndahúsum. Fyrsta árið náðist 15% fækkun slysa þrátt fyrir fjölgun hjóla í umferð. Átakið þótti það vel heppnað að sænsku mótorhjólasamtökin SMC keyptu sýningarrétt af því eftir að hafa séð það á fyrsta EMA (European Motorcycle Association) fundi Snigla árið 1995. Samtök þessi sem seinna runnu saman við FEM og urðu að FEMA, eru hagsmunasamtök alls mótorhjólafólks í Evrópu með starfstöð í Brussel, höfuðstöðvum Evrópusambandsins. Næsta stóra umferðarátak Snigla var gert árið 1997 en þá voru gerð tvö sjónvarpsinnskot til viðbótar. Voru bæði nýju innskotin byggð á sláandi tölum sem birst höfðu í slysarannsókn á mótorhjólaslysum fyrir árið 1995, en þar kom fram að allt að helmingur slysa varð á lánshjólum. Með það í huga réðust samtökin í samstarfi við Rannsóknarnefnd umferðarslysa í eina metnaðarfyllstu slysarannsókn sem fram hefur farið hér á landi. Skoðuð voru öll mótorhjólaslys á tímabilinu 1991-2000 eða í 10 ár samfleytt. Þau umferðarátök sem gerð hafa verið á undanförnum árum byggja að mestu leyti á þessari rannsókn, nú síðast þrjú myndbönd um mótorhjólaslys sem gerð voru fyrir tilstilli Umferðarstofu. Ekki má heldur gleyma auglýsingum sem birst hafa á strætisvögnum sem minna á að við, líkt og blessaðar beljurnar, komum líka út á vorin. Umferðarátakið í fyrra fólst loks í því að Sniglar klæddust vestum í björtum lit með boðskap til bílstjóra, “Sérðu mig núna?” Þó öll þessi vinna Snigla sé góð og blessuð má heldur ekki gleyma því að mikilvægustu forvarnirnar eru oft meðal félaganna sjálfra, enda dettur frekar fáum í hug að mæta á hjólinu niður í bæ í gallabuxum og strigaskóm. Mótorhjólafólk er líklega sá umferðarhópur sem duglegastur er í forvarnarstarfi. Það veit líka enginn betur en hjólafólkið sjálft hversu berskjölduð við erum í umferðinni.
BÍLSTJÓRI, LÍTTU TVISVAR !
Afsláttarkjör
Félagskírteini Snigla veitir þér ýmis sérkjör á vöru og þjónustu |
Sniglasafnið
Átt þú áhugavert efni á Sniglasafnið? |
Upplýsingatorg
Langar þig að taka bifhjóla próf? Vantar þig vöru eða þjónustu? |
Sniglabúðin
Í sniglabúðinni færðu "merkjavöru" á góðu verði |
